Document Verification

Member directory

 Visit to GINUM Cancer Hospital
NEWS
گوجرانوالہ2فروری 2017ء 
ڈپٹی کمشنر گوجرانوالہ محمد عامر جان نے کہا کہ کاروباری برادری کودرپیش مسائل کو حل اور انہیں ہر ممکن سہولیات فراہم کرنے کی بھرپور کوشش کر رہے ہیں ۔انہوں نے کہا کہ شہریوں کے درپیش علاج معالجہ کی مشکلات کو مد نظر رکھتے ہوئے گوندانوالہ میں ایک نئے ہسپتال کا قیام عمل میں لایا جا رہا ہے تاکہ موجودہ ڈی ایچ کیو ہسپتال سے مریضوں کا دباؤ کم کیا جاسکے۔انہوں نے کہا کہ شہر کے مختلف حصوں میں ترقیاتی کام تیزی سے جاری ہیں جن کی نگرانی میں خود کر رہا ہوں۔جبکہ عزیز کراس چوک تعمیر کے آخری مراحل میں ہے ۔ ضلعی انتظامیہ معاشرتی مسائل کے حل کیلئے اپنی ذمہ داریاں بخوبی نبھا رہی ہے لیکن عوام کو بھی تعاون کر کے اپنی ذمہ داریاں پوری کرنی چاہیئے۔ان خیالات کا اظہار انہوں نے گوجرانوالہ چیمبرآف کامر س اینڈانڈسٹری کے اراکین کے اجلاس سے خطاب کے دوران کیا۔جبکہ اجلاس کی صدارت چیمبر کے صدرسعید احمد تاج نے کی ۔ اجلاس میں سینئر نائب صدر شیخ عبدالرؤف ،نائب صدر کامران خالد بٹ، اراکین مجلس عاملہ ،سابق صدور شیخ محمد نسیم ،اخلاق احمد بٹ،خواجہ ضرارکلیم ،خواجہ خالد حسن ،بابو امتیاز حسین،ملک امین ناز کے علاوہ ممتاز تاجروں وصنعتکاروں کی کثیر تعداد بھی موجود تھی۔ صدر چیمبر سعید احمد تاج نے نئے پاسپورٹ آفس کا قیام ،قبرستان کے مسائل ،ماحولیاتی آلودگی اورناجائز تجاوزات کا خاتمہ ،شہر میں صاف پانی کی فراہمی،نئے سرکاری ہسپتال کا قیام،غلہ منڈی کی شہر سے منتقلی ودیگر مسائل پر تفصیل سے روشنی ڈالتے ہوئے کہا کہ ان مسائل سے نجات گوجرانوالہ کی بزنس کمیونٹی و شہریوں کا بنیادی حق ہے ۔محمد عامر جان ڈپٹی کمشنر گوجرانوالہ نے کہا کہ اس میں کوئی شک نہیں کہ گوجرانوالہ چیمبر نے جن مسائل کی نشاندہی کی ہے وہ بالکل جائز اور درست ہیں ۔ان کے حل کیلئے جو تجاویزات پیش کی گئی ہیں ان کی روشنی میں بہت جلد آپ کو تبدیلی نظر آئے گی ۔ضلعی انتظامیہ کا ویژن ہے کہ شہریوں کو ہرممکن سہولیات فراہم کی جائیں ۔جبکہ اس مقصد میں ہم کچھ حد تک کامیاب بھی ہو چکے ہیں ۔اجلاس میں اراکین نے فرداً فرداً اپنے مسائل بیان کئے ۔ڈپٹی کمشنر نے تمام مسائل کوبغور سنا اور ان کو حل کرانے کی یقین دھانی کرائی۔

Events

Visit to Sweet Homes (All Executives) 06-02-2017 12:00 PM
Renewable Energy Seminar by SBP 02-03-2017 11:00 AM
Suffah Academy Takmel-e-QUran/ Dastar Bandi.(President Only) 12-03-2017 11:00 AM
Image
Read More